UFC Арман Царукянга катта жанг бермоқда

"Бизни катта янгиликлар кутмоқда", - дея ўзининг ижтимоий тармоқдаги саҳифасида хабар қолдирган Царукян.

Ҳозирча UFC ҳам, Арманнинг ўзи ҳам рақиб номини очиқламаяпти. Катта эҳтимол билан унинг бўлажак рақиби рейтингда ўзидан юқорида турган жангчилар бўлади. Царукяндан юқорида, яъни кучли учликда Чарльз Оливейра, Жастин Гэтжи ва Дастин Порье бормоқда. Вазннинг амалдаги чемпиони Ислам Махачев бўлиб турибди.

UFC промоушени ҳамда Арманга яқин инсонларнинг айтишича, рақиб Порье бўлади. UFC ҳозиргача Дастинга рақиб топиб бера олмаяпти. Америкалик Армандан ташқари Топ-5 рейтингдаги бошқа ҳамма жангчилар билан октагонга учрашиб улгурган. Фақат Царукян қолмоқда. 

Маълумот учун, 27 ёшли Арман Царукян шу ой бошида дивизондаги кетма-кет учинчи ғалабасини қўлга киритди. У биринчи раунднинг 64-сониясидаёқ америкалик Бенил Дариушни нокаутга учратди.