15 окт 10:30
Янгиликлар

Бокс/ММА

UFC бу йил Макгрегор - Порье жангини ўтказмайди

ММА олами томонидан интиқлик билан кутилаётган Конор Макгрегор - Дастин Порье жанги жорий 2020 йилда ўтказилмайдиган бўлди.

Бу хабарни шахсан UFC президенти Дэна Уайт тасдиқлади.

"Бу йил ҳисобидан ушбу жангни ташкил этиш учун бўш сана топилмади. Шанба оқшомларининг ҳар бирида чемпионлик жанги бор. Албатта, Конор ҳам, Дастин ҳам жангнинг шу йилнинг ўзида ўтказилиш тарафдори. Шуни инобатга олиб, биз ESPN телеканали билан сана юзасидан келишишга ҳаракат қилдик. Лекин улар фақат энг яқин сана сифатида 23 январни бизга таклиф этишди", — дея Дэнанинг сўзларини келтирмоқда ESPN.

Эслатиб ўтамиз, аввалроқ Конор Макгрегор Порьега қарши жанг 12 декабрь куни ўтказилишини эълон қилганди.