UFC чемпиони Жон Жонс қайтганини эълон қилди + ФОТО

Жонс жароҳати сабаби ўтган йилнинг ноябрь ойида Стипе Миочичга қарши жангда октагонга чиқа олмаган эди. Америкалик чемпион залга қайтиб, машғулотларни бошлаганини айтди.

"Жароҳатдан кейинги машғулот залидаги биринчи кун. Ўзимни ажойиб ҳис қиляпман. Муҳими, бошлаб олдим, - дея ўзининг ижтимоий тармоқдаги саҳифасида сурат ва унинг остида изоҳ қолдирган Жонс.

Эслатиб ўтамиз, Жон Жонс ва Стипе Миочич ўртасидаги жанг 2023 йилнинг 11 ноябрь куни Нью-Йоркдаги UFC 295 турнирининг марказий баҳси бўлиши керак эди. Бекор бўлган жанг ўрнида британиялик Том Аспиналл биринчи раунднинг ўзида россиялик Сергей Павловични нокаутга учратиб, вақтинчалик чемпионлик камарини қўлга киритганди.

UFC ташкилотининг режасига кўра, Жонс ёзда Миочич билан қолдирилган жангини ўтказиши керак. Аспиналл эса 27 июль куни Манчестер шаҳрида ташкил этиладиган UFC 304 турнирида вақтинчалик чемпионлик камарини ҳимоя қилади.