UFC чемпиони Пётр Ян ярим йилга сафдан чиқди

Бу ҳақда MMA Junkie нашрига берган интервьюсида енгил вазн тоифасида амалдаги UFC чемпионининг менежери Дэнни Рубинштейн маълум қилди.

Яқинда белини операция қилдирган Пётр Ян энди яқин ярим йил ичида октагонга чиқмайди.

"Унинг бел қисмида кичик жарроҳлик амалиёти бўлган - у бу муаммо билан Мераб билан жангга ҳам чиққан. У июлда тайёр бўлади", - деди Рубинштейн.

Бу россиялик жангчининг 14 июнга белгиланган Оқ уйдаги UFC байрам турнирида иштирок этмаслигини билдиради. Яқинда берган интервьюсида Пётр Ян кейинги жангида ўтган йилнинг декабрь ойида чемпионлик камарини тортиб олган Мераб Двалишвили билан трилогияни якунлашини маълум қилганди.

Камарини қайтариб олган 32 ёшли россиялик вазн тоифасидан қатъи назар ташкилотнинг энг яхши жангчилари рейтингида олтинчи ўринни эгаллаб турибди.