10 окт 10:43
Янгиликлар
Бокс/ММА
UFC чемпиони Шевченко навбатдаги ҳимоя жангини анонс қилди
Қирғизистонлик 32 ёшли UFC чемпиони Валентина Шевченко Инстаграм саҳифасида навбатдаги жанги ҳақида маълумот берди.
Шевченко UFC 255 турнири доирасида октагонга чиқади.
"Тикланиш бассейн, яъни сув ҳавзасида давом этмоқда. #UFC255", — дея Инстаграм саҳифасида хабар қолдирган Валентина.
#UFC255 хештеги унинг айнан шу турнир доирасида жанг ўтказишига ишора. Аввалроқ UFC президенти Дэна Уайт Валентина Шевченконинг кейинги рақибаси бразилиялик 32 ёшли Женнифер Майя бўлишини айтган эди. Майя UFC Fight Night 173 турнирида Жоанн Калдервудни мағлубиятга учратганди.
Маълумот учун, UFC 255 турнири 21 ноябрь куни АҚШнинг Невада штати Лас-Вегас шаҳрида бўлиб ўтади. Шевченко сўнгги жангини шу йилнинг февраль ойида Хьюстондаги UFC 247 турнири доирасида расмий даъвогар Кейтлин Чукагянга қарши ўтказиб, рақибини учинчи раундда техник нокаутга учратган эди.
Ҳавола :
Фикрлар