15 окт 07:11
Янгиликлар

Бокс/ММА

UFC "чиптаси" учун октагонга чиққан Азамат Нуфтиллаев иштирокидаги жанг тўлиқ давом этди

Бироз аввал АҚШнинг Лас-Вегас шаҳридаги UFC Apex аренада Дана Уайт даъвогарлар серияси турнири якунига етди.

UFC шартномалари ўйналган мазкур турнирда оғир вазн тоифасидаги аралаш яккакураш устамиз Азамат Нуфтиллаев сербиялик Йован Лекага қарши октагонга чиқди. Жанг тўлиқ уч раунд давом этди ва унинг якунида Лека ҳакамларнинг якдил қарори билан очколар (29:27, 29:28, 29:27) ҳисобига кўра ғалаба қозониб, дунёнинг энг кучли лигаси жангчисига айланди.

Маълумот учун, Азамат Нуфтиллаев бугун фаолиятидаги иккинчи мағлубиятини қабул қилиб олди. Ғабалари 17 талигича қолди, ҳисобида 1 та дуранг ҳам бор. Йован Лека бугун 11-ғалабасига эришди.

Умид қиламизки, Нуфтиллаевда ҳали UFC учун имконият бўлади.