UFC Fight Night 171. Ким қанча ишлаб олди? Қизиғи, марказий жанг ғолиби рўйхатда иккинчи

Ташкилотчилар ушбу оқшомнинг барча жангчилари учун кафолатланган гонорарлари суммасини ошкор қилди. Энг катта гонорарга Андрей Орловский эга чиққан. Беларуслик яккакураш устаси UFC Fight Night 171 турниридан 325 минг доллар ишлаб олган. 

Маълумот учун, оғир вазн тоифаси вакили бўлган Орловский бразилиялик Филипе Линсга қарши октагонга кўтарилиб, очколар ҳисобига кўра ғалаба қозонганди. Мағлубиятга учраган Линс 80 минг долларга эга бўлди. Бу Филипе учун UFCдаги дебют жанг эди. 

Қизиқ жиҳати шундаки, турнирнинг марказий жанг ғолиби иккинчи катта гонорарни қўлга киритган. Бразилиялик Гловер Тейшейра марказий жангда Энтони Смитни мағлубиятга учратганди. Ушбу ғалаба унга 280 минг доллар келтирди. 

Гонорарларнинг тўлиқ тақсимоти:

Гловер Тейшейра ($280 минг) – Энтони Смит ($ 130 минг);

Бен Ротуэлл ($260 минг) – Овинс Сен-Прё ($ 95 минг);

Дрю Добер ($116 минг) – Александр Эрнандес ($ 36 минг);

Рики Симон ($60 минг) – Рэй Борг ($ 46 минг);

Андрей Орловский ($325 минг) – Филипе Линс ($ 80 минг);

Тиаго Мойзес ($24 минг) – Майкл Жонсон ($ 83 минг);

Флорида штати бокс Комиссияси тасдиқлаган маълумотларга кўра умумий гонорар фонди 1 милион 750 минг доллардан иборат бўлган.