UFC Fight Night 181. Романов бразилиялик рақибини бўғиб қўйди

Оқшомнинг прелиум кардидан ўрин олган жангларнинг бири оғир вазн тоифасида ўтказилиб, унда молдовалик Александр Романов Бразилия вакили Маркус Рожериу де Лимага қарши октагонга кўтарилди.

Жанг муддатидан аввал биринчи раунднинг ўзида якунланди. Романов бўғиш усули эвазига рақибини мағлубиятга учратди. Бу вақтда жангнинг 4-дақиқа 48-сонияси ўтиб бораётганди. Александр шу вақт оралиғида 2 тейкдаун ҳамда 6 та аниқ зарбани амалга оширди. 

Романов жанг якунланганидан сўнг UFC матчмейкерларидан польшалик Марчин Тибура билан жанг ташкил қилиб беришларини сўради. У шунингдек, бир ойдан сўнг октагонга қайтишга тайёр бўлишини ҳам урғулади.