UFC Fight Night 185: Тарози маросимида 4 та ортиқча вазн, 1 та рекорд ва бир бекор қилинган жанг

Бугун эса UFC Fight Night 185 турнири иштирокчилари анъанага мувофиқ тарзда тарозидан ўтиш ҳамда кўз уриштириш маросимларида ҳозир бўлишди. UFC Apex аренада ўтказилувчи оқшомнинг марказий жанги оғир вазнда Кёртис Блэйдс ва Деррик Льюис ўртасида ўтказилади. Блэйдс 117,4, Льюис эса 119,2 кг тош босди.

Эътиборга молик жиҳати шундаки, турнирнинг жами 30 жангчисидан 4 нафари тарози маросимида белгиланган вазн меъёрини бажара олмади. Ярим енгил вазн тоифаси вакили Рафаэль Алвес эса бу борада рекорд ҳам қайд этди. У белгиланган вазндан 11.5 фунт, тахминан 5 килограму 200 грамм оғирроқ чиқди. Бу ташкилотнинг янги антирекорди ҳисобланади. Бунинг натижасида Рафаэлнинг Пэт Сабатинига қарши жанги бекор қилинди. 

Шу пайтгача бу борада UFC тарихидаги антирекорд Энтони Жонсонга тегишли эди. Унинг 2012 йилда Витор Белфортга қарши ўтказиши лозим бўлган жангидан олдинги вазни меъёрдан 11 фунт ортиқча чиққанди. 

Шунингдек, эртанги жанглари олдидан Кетлин Виейра, Жаред Гордон ва Драко Родригес ҳам талаб даражасидаги вазн меъёрини бажара олишмади. Энди жарима сифатида уларнинг гонорарларидан камида 20 фоиз миқдорида олиб қолинади. 

Тарози натижалари:

Асосий кард

Кёртис Блэйдс (117,4 кг) – Деррик Льюис (119,2 кг).

Яна Куницкая (61,2 кг) – Кетлин Виера (62,5 кг).

Алексей Олейник (108,8 кг) – Крис Докос (106,1 кг).

Нассурдин Имавов (185.5 фунт) – Фил Хоус (185 фунт)

Андрей Орловский (249.5 фунт) – Том Аспиналл (244.5 фунт)

Прелиум кард

Дэнни Чавес (145 фунт) – Жаред Гордон (150 фунт)

Драккар Клозе (156 фунт) – Луис Пенья (155.5 фунт)

Жон Кастаньеда (136 фунт) – Эдди Вайнлэнд (135.5 фунт)

Жулиан Эроса (145.5 фунт) – Нейт Ландвер (146 фунт)

Рафаэль Алвес (157.5 фунт) – Пэт Сабатини (145.5 фунт) жанг бекор қилинди

Шэна Добсон (126 фунт) – Кейси О'Нилл (125.5 фунт)

Жамалл Эммерс (145.5 фунт) – Чес Скелли (146 фунт)

Драко Родригес (140.5 фунт) – Эйеманн Захаби (136 фунт)

Сергей Спивак (245 фунт) – Жаред Вандераа (265 фунт)