12 фев 14:37
Янгиликлар

Бокс/ММА

UFC Fight Night 201 турнирининг марказий жанги ўзгарди

19 февраль куни АҚШнинг Лас-Вегас шаҳрида ўтказиладиган UFC Fight Night 201 турнирининг янги марказий жанги тасдиқланди.

Аслида ушбу оқшомнинг марказий тўқнашуви Рафаэль Физиев ва Рафаэль Дос Аньос ўртасида ўтказилиши керак эди. Лекин қирғизистонлик жангчи АҚШ визасини ўз вақтида ола билмади ва бунинг натижасида ушбу жанг кечроқ муддатга қолдирилди.

Ташкилотчилар келаси ҳафта ўтказиладиган турнирнинг янги марказий жанги сифатида ярим оғир вазн тоифаси вакиллари - Жонни Уокер ва Жамаал Хилл қарама-қаршилигини тасдиқлашди.

Маълумот учун, 29 ёшли Жонни Уокер ўтган йилнинг октябрь ойида Тиаго Сантосга имкониятни бой берганди. 30 ёшли Жамаал Хилл эса аксинча, жангнинг илк дақиқасида Жимми Крутни нокаутга учратганди. Айни пайтда Жонни ҳамда Жамаал UFC рейтингида мос равишда 10 ва 12-ўринларни эгаллаб туришибди.