UFC Fight Night 231. Кайо Борральо - Абусупяьн Магомедов жанги тўлиқ давом этди + ФОТО

UFC Fight Night 231 турнирининг асосий кардидан ўрин олган уч раундлик жангда россиялик Абусупьян Магомедов бразилиялик Кайо Борральога қарши октагонга чиқди. Жанг якунида ҳакамларнинг якдил қарори билан Кайо очколар ҳисобига кўра ғалаба қозонди. 

Борральо аслида бугун ҳамюртимиз Нурсултон Рўзибоевга қарши жанг ўтказиши керак эди. Аммо Рўзибоев жароҳат олгани сабабли унинг ўрнини Абус Магомедов эгаллаганди. Кайо ўтган йили Абу-Дабида яна бир аралаш яккакураш устамиз Маҳмуд Мурадовни очколар эвазига таслим этганди.  

Маълумот учун, 33 ёшли Абусупьян Магомедов июль ойида ўтказилган UFC on ESPN 48 турнирида америкалик Шон Стриклендга техник нокаут эвазига ютқазиб қўйганди. Унинг ММАдаги статистикаси 25 ғаалаба, 6 мағлубият ва 1 дуранг. Борральо эса бугун фаолиятидаги 15-ғалабасини тантана қилди. Ҳисобида 1 та мағлубият ҳам бор.