UFC Fight Night 237 турнири жангчилари тарозидан ўтишди

Бизнинг вақт билан эртага тонг саҳарда ацтеклар юртида UFC Fight Night 237 турнири бўлиб ўтади. Оқшомнинг марказий жанги энг енгил вазн тоифасида собиқ UFC чемпиони, мексикалик Брэндон Морено америкалик Брэндон Ройвалга қарши октагонга чиқади. Ҳар икки жангчи ҳам бир хилда 57,15 кг вазн қайд этишди. 

Оқшомнинг co main-event жанги ярименгил вазнда Яир Родригес (66,22 кг) ҳамда Брайан Ортега (66,22 кг) ўртасида ўтказилади. Яна бир қизиқарли тўқнашувда энг ёш UFC жангчиси сифатида тарихга кирган мексикалик Рауль Росас (61,68 кг) рақиби Рики Турсиос (61,68 кг) билан орани очиқ қилиб олади.  

Дарвоқе, эртанги турнирда тожикистонлик UFC жангчиси Муҳаммад Наимов ҳам октагонга чиқади. Ярименгил вазн тоифасидаги ён қўшнимиз Эрик Силвани синовдан ўтказади. Ҳар икки жангчи тарозида бир хил вазн кўрсатишди - 66,22 кг. 

Икки жангчи Эдгар Чайрес (5 фунт ортиқча) ва Даниэл да Силва Ласердо (1 фунт ортиқча) белгиланган вазн меъёрини бажара олишмади. Улар эртага ўзаро октагонда жанг қилишади.   

UFC Fight Night 237 турнирининг барча тарози натижалари: 

Асосий жанг, энг енгил вазн: Брэндон Морено (57,15 кг) vs Брэндон Ройвал (57,15 кг)

Ярименгил вазн: Яир Родригес (66,22 кг) vs Брайан Ортега (66,22 кг)

Енгил вазн: Дэниел Зеллхубер (70,76 кг) vs Франсиско Прадо (70,76 кг)

Рауль Росас (61,68 кг) vs Рики Турсиос (61,68 кг)

Ясмин Хауреги (52,16 кг) vs Сэм Хьюз (52,16 кг)

Мануэль Торрес (70,3 кг) vs Крис Данкан (70,76 кг)

Кристиан Киньонес (61,23 кг) vs Раони Барселос (61,23 кг)

Хесус Агилар (57,15 кг) vs Матеус Мендонка (57,15 кг)

Эдгар Чайрес (59,42 кг) vs Даниэл да Силва Ласердо (57,6 кг) 

Клаудио Пуэльес (70,76 кг) vs Фарес Зиам (70,76 кг)

Роналдо Родригез (57,15 кг) vs Денис Бондарь (57,15 кг)

Виктор Альтамирано (56,69 кг) vs Фелипе дос Сантос (56,24 кг)

Эрик Силва (66,22 кг) vs Муҳаммад Наимов (66,22 кг)