20 окт 11:01
Янгиликлар

Бокс/ММА

UFC Fight Night 245 турнирининг бонус соҳиблари эълон қилинди

Хабарингиз бор, бугун тонг саҳарда АҚШнинг Лас-Вегас шаҳрида навбатдаги UFC турнири бўлиб ўтди.

Ташкилотчилар UFC Fight Night 245 турнирининг бонус соҳибларини эълон қилишди. Ўн битта жангдан бор йўғи иккитаси муддатидан аввал якунланган. Қолган 9 та жангда ғолиблар очколар ҳисобига кўра аниқланди.

Шу боисдан бўлса керак, ташкилотчилар бу сафар уч жангчига бонус тақдим этиш билан чекланишди. Даррен Элкинс ва Даниэль Пинеда ўртасидаги тўқнашув оқшомнинг энг яхши жанги деб топилди. Ҳар икки жангчи 50 минг долларлик бонусни қўлга киритишди. Марказий жангда бразилиялик Мишель Перейрани техник нокаутга учратган Энтони Эрнандес эса ёрқин иштирок учун мукофот пули оладиган бўлди.