UFC Fight Night 246 турнири жангчилари тарозига чиқишди

Ушбу турнир олдидан анъанага кўра жангчиларни расмий тарозидан ўтказиш маросими ташкил этилди. UFC Fight Night 246 оқшомининг марказий жанги энг енгил вазн (57 кг.гача) тоифасида собиқ чемпион мексикалик Брэндон Морено ҳамда асл келиб чиқиши ироқлик бўлган Амир Албази ўртасида ўтказилади. Тарозида иккала жангчи ҳам бир хил 56,92 кг тош босди. 

Оқшомнинг co main-event жанги аёллар ўта енгил вазн тоифасида Эрин Блэнчфилд ҳамда яна бир собиқ UFC чемпиони Роуз Намаюнас ўртасида бўлиб ўтади. Эрин 56,92, Роуз эса 56,69 кг вазн қайд этди. Турнир кардидан жами 14 та жанг ўрин олган бўлиб, унинг доирасида Деррик Льюис, Кайо Мачадо, Александр Романов, Айеманн Захаби сингари таниқли аралаш яккакураш усталари ҳам октагонга чиқади.

UFC Fight Night 246 тарози натижалари. Асосий кард:

Брэндон Морено (56,92 кг) vs Амир Альбази (56,92 кг);

Эрин Блэнчфилд (56,92 кг) vs Роуз Намаюнас (56,69 кг);

Деррик Льюис (120,65 кг) vs Жоната Диниз (116,57 кг);

Кайо Мачадо (92,98 кг) vs Брендсон Рибейро (92,98 кг);

Марк-Андре Баррио (83,91 кг) vs Дастин Штольцфус (84,14 кг);

Майк Мэлотт (77,33 кг) vs Тревин Жайлс (77,11 кг).

Прелим кард:

Айеманн Захаби (61,46 кг) vs Педро Муньос (61,23 кг);

Ариане Липски (56,69 кг) vs Жасмин Ясудавичюс (56,69 кг);

Шарль Журден (61,23 кг) vs Виктор Генри (61,23 кг);

Жек Шор (65,99 кг) vs Юссеф Залал (65,77 кг);

Александр Романов (118,38 кг) vs Родриго Насименто (119,74 кг);

Сергей Сидей (61,23 кг) vs Гарретт Армфилд (61,23 кг);

Чад Анхелигер (61,23 кг) vs Коди Гибсон (61,46 кг);

Жейми-Лин Хорт (57,15 кг) vs Ивана Петрович (56,69 кг).