UFC Fight Night 252 турнири жангчиларининг гонорарлари маълум. Нурсултон Рўзибоев қанча ишлаб олди?

UFC Fight Night 252 турнири ташкилотчилари расман жангчиларнинг гонорарлари ҳақидаги маълумотларни очиқлади. Оқшомнинг асосий жанги икки вазнда собиқ UFC чемпиони Генри Сехудо ҳамда хитойлик Сонг Ядонг ўртасида бўлиб ўтган ва унда Сонг ғалаба қозонганди. Аниқроғи, Ядонг рақибининг кўзига қўлини тиқиб олгани учун жанг учинчи раунддан кейин тўхтатилган ва ғалаба очколар ҳисобига кўра осиёлик спортчига берилганди.  

Вашингтон штати лицензиялаш Департаменти берган хабарга кўра, Сонг Ядонг бу жангдан 320 000 АҚШ доллари ишлаб олган. Ушбу сумманинг тенг ярми унга гонорар тариқасида берилган. Қолган 160 000 долларини эса ғалабаси учун олган. Рақибининг эхтиётсизлиги сабаб жангни давом эттира олмаган Генри Сехудо эса 150 000 доллар билан кифояланди. 

Роб Фонт турнирдаги ғалабаси учун умумий 320 000 долларга эга бўлди. Унга ютқазган Жин Мацумото эса 26 000 доллар билан чекланди. Яна бир номдор аралаш яккакураш устаси Брендан Аллен 210 000 долларга эга бўлди. 

Биз учун аҳамиятлиси, UFC Fight Night 252 турнирида ҳамюртимиз Нурсултон Рўзибоев UFC`даги учинчи ғалабасини қўлга киритган эди. У ушбу ғалабасидан жами 74 000 доллар ишлаб олди. Жанг учун 37 000 доллар гонорар, ғалаба учун эса яна шунча сумма тақдим этилган. Рўзибоевга ютқазган Эрик МакКонико эса 12 000 доллар билан чекланди.

UFC Fight Night 252 турнирининг барча гонорарлари:

Сонг Ядонг – $320 000 ($160 000 жанг учун, $160 000 ғалаба учун)

Генри Сехудо – $150 000

Энтони Эрнандес – $144 000 ($72 000 жанг учун, $72 000 ғалаба учун)

Брендан Аллен – $210 000

Роб Фонт – $320 000 ($160 000 жанг учун, $160 000 ғалаба учун)

Жин Мацумото – $26 000

Жин Сильва – $90 000 ($45 000 жанг учун, $45 000 ғалаба учун)

Мелсик Багдасарян – $35 000

Алонзо Менифилд – $240 000 ($120 000 жанг учун, $120 000 ғалаба учун)

Жулиус Уокер – $12 000

Ион Куцелаба – $190 000 ($95 000 жанг учун, $95 000 ғалаба учун)

Ибо Аслан – $35 000

Мелкуизаэль Коста – $48 000 ($24 000 жанг учун, $24 000 ғалаба учун)

Андре Фили – $110 000

Мансур Абдул-Малик – $24 000 ($12 000 жанг учун, $12 000 ғалаба учун)

Ник Клейн – $10 000

Рики Симон – $160 000 ($80 000 жанг учун, $80 000 ғалаба учун)

Жавид Башарат – $30 000

Остин Вандерфорд – $30 000 ($15 000 жанг учун, $15 000 ғалаба учун)

Николай Веретенников – $12 000

Нурсултон Рўзибоев – $74 000 ($37 000 жанг учун, $37 000 ғалаба учун)

Эрик МакКонико – $12 000

Модестас Букаускас – $96 000 ($48 000 жанг учун, $48 000 ғалаба учун)

Раффаэль Серкейра – $10 000