UFC Fight Night 261 турнирининг барча натижалари: Оливейра Гамротни тўхтатди

Бразилиялик собиқ UFC чемпиони иккинчи раундда Матеуш Гамротни бўғиш усули эвазига мағлубиятга учратди. Бу билан Чарльз Гамротни муддатидан олдин таслим этган илк жангчига айланди. Оқшомнинг асосий жанги иккинчи раунднинг 2-дақиаси 48-сониясида тўхтатилди. 

Турнирнинг аҳамияти жиҳатидан иккинчи муҳим жанги ўта енгил вазн тоифасида собиқ икки карра промоушен чемпиони Дейвисон Фигейреду ҳамда америкалик Монтела Жексон ўртасида кечди. Уч раунд тўлиқ давом этган жангда тажрибали Дейвисон ҳакамларнинг айри қарори билан ғалаба қозонди. Ҳакамлардан бири Жексонга ғалабани тақдим этган. Қолган икки ҳакам мезбон жангчининг ғалабасини таъминлаган. Фигейреду бу билан икки мағлубиятли сериясини ёпишга муваффақ бўлди.   

UFC Fight Night 261 турнирида Беатрис Мескит, Марио Пинто, Каан Офли, Майкл Асвелл, Жафел Фильо, Витор Петрино, Жулия Поластри ва Луан Ласерда рақибларини муддатидан аввал мағлубиятга учратишди.

UFC Fight Night 261 турнирининг барча натижалари:

Асосий кард жанглари

Чарльз Оливейра Матеуш Гамрот сабмишн (бўғиш) эвазига таслим этди – 2-раунд, 2:48

Дейвесон Фигередо Монтела Жексонни ҳакамларнинг айри қарори билан ютди (28-29, 29-28, 29-28)

Йоэль Альварес Висенте Лукени ҳакамларнинг якдил қарори эвазига енгди (30-26, 30-26, 30-26)

Марио Пинто Жонат Динизни техник нокаутга учратди (зарба) – 2-раунд, 4:10

Каан Офли Рикардо Рамосни сабмишн (ортдан бўғиш) эвазига мағлубиятга учратди – 1-раунд, 3:02

Майкл Асвелл Лукас Алмейда техник нокаут (қўл ва тирсак зарбалари) эвазига мағлуб этди – 1-раунд, 1:42

Прелим кард жанглари

Жафел Фильо Клейтон Карпентерни сабмишн (кимура) эвазига таслим этди – 1-раунд, 4:42

Витор Петрино Томас Петерсен нокаут (зарбалар) қилди – 3-раунд, 0:26

Беатрис Мескита Ирина Алекссеевани сабмишн (ортдан бўғиш) ҳисобига енгди – 2-раунд, 2:14

Лукас Роха Стюарт Николлни ҳакамларнинг якдил қарори эвазига ютди (30-27, 30-27, 30-27)

Жулия Поластри Каролина Ковалькевични техник нокаут (бошга оёқ билан зарба) эвазига мағлубиятга учратди – 3-раунд, 2:56

Луан Ласерда Саймон Оливейрани сабмишн (тирсак) ҳисобига мағлуб этди – 2-раунд, 3:55