02 ноя 07:48
Янгиликлар

Бокс/ММА

UFC Fight Night 263 турнирининг асосий жанги биринчи раунддаёқ тўхтатилди

Бугун тонг саҳарда АҚШнинг Невада штати Лас-Вегас шаҳрида навбатдаги UFC турнири бўлиб ўтди.

Бироз аввал UFC Apex аренада якунига етган оқшомнинг асосий жанги ярим енгил вазн тоифасида ўтказилди. Унда дивизион рейтингида 12-ўринни эгаллаб турган Стив Гарсия 13 поғонада бораётган Дэвид Онамага қарши октагонга чиқди.

Америкаликлар ўртасидаги ушбу жанг муддатидан аввал якунига етди. Биринчи раунд якунланишига икки дақиқа қолган бир пайтда Гарсия Онамани иккиталик аниқ зарба эвазига нокдаун ҳолатига туширди. Кейин эса кетма-кет зарбалар ёмғирини ёғдиржи. Рефери Херб Дин жангнинг 3-дақиқаси 34-сонияси ўтиб бораётган бир паллада баҳсни тўхтатишга мажбур бўлди. Стив Гарсия катта эҳтимол билан янгиланган рейтингда Топ-10`да дебют қилади.