UFC Fight Night 264 турнирининг асосий жангида ҳам нокаут қайд этилди

Оқшомнинг асосий жанги яримўрта вазн тоифасида ўтказилди. Унда бразилиялик 28 ёшли Габриэль Бонфим Ямайка шарафини ҳимоя қилаётган 35 яшар Рэнди Браунга қарши октагонга чиқди. Жангнинг иккинчи раундида Бонфим рақибини техник нокаутга учратди. 

Бонфим тизза зарбаси билан рақибини октагонга қулатди. Рефери дарҳол жангни тўхтатди. Браун ўрнидан туриб, жангни давом эттиришга тайёрлигини билдирди. Аммо рефери бунга рухсат бермади. Браун сўнгги учта жангининг иккитасида мағлубият аламини тотиб кўрди. Бонфим эса кетма-кет тўртинчи ғалабасини тантана қилди. Бугунги жанг олдидан у рейтигда 14-ўринни эгаллаб турганди.