22 фев 06:52
Янгиликлар

Бокс/ММА

UFC Fight Night 267. Қозоғистонлик жангчида ғалаба

Айни дақиқаларда АҚШнинг Техас штати Хьюстон шаҳридаги "Toyota Center" аренада навбатдаги UFC турнири бўлиб ўтмоқда.

Оқшомнинг прелим карди доирасида қозоғистонлик аралаш яккакураш устаси Алиби Идирис (11-1) UFC`даги илк ғалабасини қўлга киритди. 31 ёшли Идирис ямайкалик Оде Осборн (13-10)га қарши октагонга чиқди. Тўлиқ уч раунд давом этган жангда Алиби ҳакамларнинг якдил қарори билан ғалаба қозонди.

Алиби Идирис UFC`даги дебют жангида мағлубиятга учраган эди. У ўтган йилнинг август ойида ўтказилган UFC 319 турнирида Жозеф Моралесга техник нокаут билан имкониятни бой бериб қўйганди. Оде Осборн эса промоушендаги саккизинчи мағлубиятини қабул қилиб олди. Ҳисобида 5 та ғалаба бор. 34 ёшли ямайкалик 2023 йилда бошқа бир қозоғистонлик Асу Алмабаевга ҳам ютқазганди.