UFC Fight Night 272. Икки жангчи вазн қила олмади. Яҳёевга иккинчи имконият берилди

UFC Fight Night 272 турнири иштирокчилари расмий тарозидан ўтиш маросимида ҳозир бўлишди. Икки нафар жангчи белгиланган вазн меъёрини бажара олмади ва энди ўз гонорарининг маълум бир қисмини рақибига беришга мажбур бўлади. 

Оқшомнинг асосий жанги енгил вазн тоифасида бразилиялик Ренато Мойкано ҳамда шотландиялик Крис Дункан ўртасида бўлиб ўтади. Ҳар икки аралаш якка кураш устаси белгиланган вазн меъёрини бажариб, тарозида бир хилда тош босишди - 70.76 кг. 

Бразилиялик Рафаэль Эстевам ва америкалик Дарриус Флауэрс белгиланган вазн меъёрини бажара олишмади ва энди ўз гонорарларининг 20 фоизини рақибларига тақдим этишади. Шунингдек, улар нокаут эвазига чиройли ғалабани қўлга киритган тақдирларида ҳам бонусга даъвогарлик қила олмайдилар. 

Россиялик ярим оғир вазн тоифаси вакили Абдул-Раҳмон Яҳёев ҳам тарози маросимида муаммога дуч келди. Унга иккинчи имконият берилди ва у бир амаллаб белгиланган вазнни қилди - 93.44 кг. 

UFC Fight Night 272 тарози натижалари:

Асосий кард жанглари

Ренато Мойкано (70.76 кг) – Крис Дункан (70.76 кг)

Вирна Яндироба (52.62 кг) – Табата Риччи (52.39 кг)

Брендсон Рибейро (93.21 кг) – Абдул-Раҳмон Яҳёев (93.44 кг)

Рафаэль Эстевам (61.92 кг)* – Этин Юинг (61.46 кг)

Томми Макмиллен (66 кг) – Маноло Зеккини (65.77 кг)

Жозе Делано (65.54 кг) – Роберт Рухала (66.22 кг)

Прелим кард жанглари

Гильерме Пат (113.63 кг) – Томас Петерсен (113.85 кг)

Алессандро Коста (56.93 кг) – Стюарт Никколл (57.15 кг)

Дарриус Флауэрс (70.99 кг)** – Лэндо Ванната (70.76 кг)

Хейли Коуэн (61.69 кг) – Алис Перейра (61.69 кг)

Азамат Бекоев (84.37 кг) – Трешон Гор (84.14 кг)

Дионе Барбоса (57.15 кг) – Мелисса Гатто (56.93 кг)

Дакота Хоуп (70.31 кг) – Кай Камака третий (70.31 кг)

*Эстевам лимитдан 227 грамм ошиқча вазн кўрсатди ва 20 фоиз гонорарини рақибига беради

**Флауэрс ҳам лимитдан ортиқча 227 грамм ортиқча тош босди ва 20 фоиз гонорарини рақибига тақдим этади