UFC Fight Night 273 турнирининг асосий жанги эълон қилинди + ПОСТЕР

UFC матбуот хизмати ушбу оқшомнинг асосий жангини эълон қилди. Унда ярим ўрта вазн тоифаси вакиллари Гилберт Бёрнс ва Майк Малотт ўзаро октагоннии иккига бўлишади. 

Маълумот учун, 34 ёшли Майк Малотт учта кетма-кет ғалабали серия билан келмоқда. У сўнгги жангда Кевин Холландни ҳакамларнинг якдил қарори эвазига мағлубиятга учратган эди. Бу билан канадалик аралаш яккакураш устаси UFC’даги ягона мағлубиятини ёпиб кетганди. У Нил Мэгнига қарши кечган жангнинг учинчи раундида техник нокаут билан ютқазган эди.

Бразилиялик 39 ёшли Гилберт Бёрнс эса ўтган йилнинг май ойида биринчи раунддаёқ Майкл Моралесга техник нокаут билан ютқазиб, кетма-кет тўртинчи мағлубиятини қабул қилиб олганди. Охирги марта Бёрнс 2023 йилнинг апрель ойида Хорхе Масвидал устидан ҳакамларнинг якдил қарори билан ғалаба қозонган эди.