UFC Fight Night 290 тарози натижалари: уч жангчи вазн қила олмади, улардан бири ортиқча 3,4 кг тош босди

UFC Fight Night 290 оқшоми иштирокчилари расмий тарозидан ўтиш ҳамда сўнгги face to face маросимларида ҳозир бўлишди ва эътиборлиси, уч нафар жангчи белгиланган вазн меъёрини бажара олмади. Энди улар ўз гонорарларининг катта қисмини рақибларига тақдим этишади.  

Турнирнинг асосий жанги ўрта вазн тоифасида ўтказилади ва унда америкалик Брендан Аллен британиялик Кристиан Лерой Данканга қарши октагонга кўтарилади. Тарозида Аллен рақибидан бироз оғирроқ тош босди. Иккала жангчи ҳам белгиланган вазн меъёрини бажарди. 

Кетлин Соуза 0.45 кг, Исмаэль Бонфим 3.4 кг, Брендсон Рибейро 1.13 кг ортиқча вазн кўрсатди. 

UFC Fight Night 290 тарози натижалари:

Асосий кард жанглари

Брендан Аллен (84.37 кг) – Кристиан Лерой Данкан (83.91 кг)

Матеус Камило (70.76 кг) – Жей Герберт (70.31 кг)

Лупита Годинез (52.39 кг) – Кетлин Соуза (53.07 кг)*

Андре Фили (66 кг) – Кай Камака учинчи (66.22 кг)

Малкольм Веллмейкер (61.69 кг) – Отари Танзилови (61.69 кг)

Прелим кард жанглари

Жеральд Мёршарт (93.21 кг) – Жулиус Уокер (93.21 кг)

Франсиско Прадо (70.31 кг) – Исмаэль Бонфим (74.16 кг)**

Нико Прайс (77.34 кг) – Леон Шахбазян (77.56 кг)

Фелипе Франко (92.99 кг) – Брендсон Рибейро (94.57 кг)***

Аллен Фрай (111.58 кг) – Ричард Харрис (118.39 кг)

Алис Перейра (61.69 кг) – Дарья Железнякова (61.69 кг)

Эрнеста Карикайте (57.15 кг) – Мелисса Гатто (57.15 кг)

* Кетлин Соуза биринчи ўта енгил вазн тоифаси лимитидан 1 фунт (0.45 кг) ортиқча тош босди ва энди 20 фоиз гонорарини жарима сифатида рақибига беради.

** Исмаэль Бонфим енгил вазн лимитидан оз эмас, кўп эмас 7.5 фунт (3.4 кг) ортиқча тош босди ва 25 фоиз гонорарини жарима сифатида рақибига беради.

*** Брендсон Рибейро яримоғир вазн тоифаси лимитидан 2.5 фунт (1.13 кг) кўп тош босди ва 20 фоиз гонорарини рақибига беради.