23 июл 17:06
Янгиликлар

Бокс/ММА

UFC: Густафссон жароҳат олди, 4 август кунги жанг қолдирилади

Аралаш қоидалар бўйича швециялик спортчи Александр Густафссон машғулот чоғида жароҳат олди.

Бунинг натижасида унинг 4 август куни ўтказилиши керак бўлган жанги бекор қилинди. Бу маълумотни Густафссоннинг менежери Нима Сафапур ҳам тасдиқлади.

“Алекс Густафссон UFC 227 турнирида иштирок этмайди. Бунга унинг ўтган ҳафта машғулот чоғида тиззасидан олган жароҳати сабаб бўлмоқда. UFC шифокорлари UFC Performance Institute экспертлари билан бирга олиб борган ташхис қўйиш жараёнидан сўнг шундай қарорга келинди. Шифокорлар Густафссоннинг жанг қилишига рухсат беришмади”, - деди Сафапур.