30 мар 09:55
Янгиликлар

Бокс/ММА

UFC on ESPN 64 турнирининг бонус соҳиблари эълон қилинди

Бугун тонг саҳарда Мексика пойтахти Мехико шаҳрида ўтказилган UFC on ESPN 64 турнирининг бонус соҳиблари маълум бўлди.

Бугунги турнирнинг энг яхши жанги аниқланмади. Ташкилотчилар ўтказилган 12 та жангдан ҳеч берини "Энг яхши жанг" номига лойиқ кўришмади. Яхши иштирок учун Мануэль Торрес, Эдгар Чайрез, Дэвид Мартинес ва Атеба Готье кафолатланган гонорардан ташқари қўшимча 50 000 АҚШ доллари миқдоридаги мукофот пулини қўлга киритди.

Эслатиб ўтамиз, UFC on ESPN 64 турнирининг асосий жангида мексикалик собиқ чемпион Брэндон Морено австралиялик рақибини очколар ҳисобига кўра мағлубиятга учратганди. Морено жангдан кейин 13 сентябрь куни Мексиканинг Гвадалахара шаҳрида ўтказиладиган UFC 320 турнирида октагонга чиқишга тайёрлигини маълум қилди. Ушбу турнир бугунги оқшом чоғида расман эълон қилинди.