UFC on ESPN 67 турнири бонус соҳиблари орасида рус жангчиси ҳам бор

UFC on ESPN 67 оқшоми ташкилотчилари кафолатланган гонорардан ташқари қўшимча 50 000 АҚШ доллари миқдоридаги мукофот пуллари соҳибларини эълон қилишди. Бонусга муносиб кўрилганлар орасида Азамат Бекоев ҳам бор. Россиялик ўрта вазн тоифаси вакили биринчи раунддаёқ Райан Лодерни техник нокаутга учратган эди.  

Бекоев шу йилнинг январь ойида UFC промоушенида муваффақиятли дебют қилганди. Азаматдан ташқари, америкалик Кори Сэндхаген, нидерландиялик Ренье де Риддер ҳамда Вьетнам давлати спортчиси Куанг Ли ҳам бонусга лойиқ кўрилди. Бу турнирда ҳеч бир тўқнашув энг яхши жанг номинациясига муносиб топилмади. Барча бонус эгалари ёрқин жанг учун мукофот пулини қўлга киритишди.   

Эслатиб ўтамиз, Сэндхаген UFC on ESPN 67 турнириниг асосий жангида бразилиялик Дейвесона Фигередони техник нокаутга учратди. Де Риддер америкалик Бо Никални нокаутга учратиб, рақибига фаолиятидаги илк мағлубиятни тақдим этди. Осиё вакили Ли эса америкалик Гастон Боланосни бўғиш усули билан таслим эта олди.