UFC Оқ уй майсаси учун 700 000 доллар тўлайди

У Sports Business Journal нашрига берган интервьюсида келаси йили Оқ уй ёнидаги майсали майдонда турнир ўтказишда дуч келинадиган баъзи қийинчиликлар ва қўшимча харажатлар ҳақида гапирди.

"Бу биз ўтказган энг қийин тадбир бўлиши аниқ, - деди Уайт. - Мен стадионда Канело - Кроуфорд жангини ташкил қилдим. Лекин айнан стадионларда турнир ўтказишни ёқтирмайман, лекин ҳаммасидан ҳам очиқ осмон остидаги тадбирларни ёмон кўраман. Кеча кечқурун биз муҳокама қилган кичик бир тафсилот: турнирни ўтказишда биз Оқ уй ёнидаги майсали майдонни абгор ҳолатга келтирамиз ва уни ҳоўирги ҳолатига келтириш учун 700 минг доллар сарфлашимиз керак бўлади". 

Уайт ҳозирча Оқ уйда бўлажак тадбирнинг умумий қийматини баҳолаганини айтмади. Аммо у Вашингтондаги мусобақа 2024 йил сентябрь ойида Лас-Вегасдаги "Сфера" мажмуасида бўлиб ўтган UFC Noche турниридан қимматроқ бўлишини таъкидламоқда. Ташкилот бунинг учун тахминан 20 миллион доллар ажратган.