05 май 10:42
Янгиликлар

Бокс/ММА

UFC президенти: Ҳали ўтказилмаган UFC 249 турнирдан 5,5 млн доллар "минус"га кирдик

UFC президенти Дана Уайт компаниянинг молиявий йўқотишларига тўхталиб ўтди.

Аслида 18 апрель куни Бруклинда ўтказилиши режалаштирилган UFC 249 турнири 9 май куни Флоридада мухлисларсиз бўлиб ўтади.

"Ғалати даврни бошдан кечиряпмиз. Ана шундай кунларда турнир ташкил қилиш катта таваккал. Фойдадан кўра зарарга киришинг аниқроқ. Кейин уч ой олдин турнир ўтказиш билан ҳозир ўша турнирни ташкил этиш орасида катта фарқ бор. Ҳозир аввалгисидан икки баробар кўп пул кетади. Бруклиндаги оқшом учун чиқарилган чипталарнинг ўзидан 5,5 миллион доллар зарарга кириб ўтирибмиз. Шу боис, ҳозирнинг ўзида UFC 249 турниридан 5,5 миллион доллар зарар кўрдик. Мен ҳали бошқа ҳаражатларни келтирмадим", - деди Уайт.