03 авг 09:15
Янгиликлар

Бокс/ММА

UFC президенти Макгрегор - Пакьяо эҳтимоллий жангига муносабатини билдирди

Икки вазн тоифасида собиқ UFC чемпиони Конор Макгрегор филиппинлик бокс афсонаси Мэнни Пакьяога қарши жанг ўтказиш истагидан воз кечмаганлигини айтганди.

UFC президенти Дэна Уайт ирландиялик жангчининг бу фикрига ўз муносабатини билдирди. Мэнни Пакьяо айни пайтда WBC чемпионлик камари соҳиби бўлиб турибди.

"Макгрегор ва Пакьяо жанги? Очиғи, менга фарқи йўқ", — дея қисқа жавоб берди Уайт UFC Fight Night 173 турниридан кейинги матбуот анжуманида.

Эслатиб зтамиз, Конор Макгрегор 2018 йил бошқа бир бокс афсонаси Флойд Мейвезерга қарши кечган бокс қоидалари асосидаги жангда техник нокаутга учраган эди.