UFC президенти: «У — бизнинг Артур Гатти!»

«Жанг даҳшат бўлди. Мен охирги йилларда бундай ажойиб биринчи раундни кўрмаганман. Балки фаолиятим давомида бўлиши ҳам мумкин. Уларнинг жанглари «Кеча жанги» бўлиши аниқ эди. Майкл Чендлер ажойиб жангчи. Унинг баҳсларини кўриш ҳаммага ёқимли. У — бизнинг Артур Гатти. У октагонда борини қолдириб кетади. Шунинг учун ҳам мухлислар унинг жангларини кўришларини ёқтиришади»,-деб фикр билдирди Дана.

Маълумот учун, Чендлер UFC'да бешта жангда иштирок этиб, барчасида бонусни қўлга киритган.

Артур Гатти бокс бўйича икки вазн тоифасида собиқ жаҳон чемпиони бўлган. Унинг жанглари доим қизиқарли бўлгани сабабли тўрт марта «йил жанги» соҳибига айланган.