15 ноя 12:04
Янгиликлар

Бокс/ММА

UFC президенти Хабибнинг кейинги рақиби Фергюсон бўлиши керак демоқда

Аралаш қоидалар бўйича UFC ташкилоти президенти Дана Уайтнинг фикрича, Хабиб Нурмагомедовнинг навбатдаги рақиби Тони Фергюссон бўлиши керак.

Уайтнинг сўзларига қараганда, америкалик жангчи чемпионлик жангида иштирок этиш учун муносиб ва у бунга ўз меҳнати билан эришган. Боиси, Фергюсон 11та жангдан бери мағлубият нималигини билмай келяпти.

Тони аввалги жангларида Эдсон Барбоза, Д’Арсе, Кевин Ли, Петтис, Ваннат, Томсон, Дос Аньос каби UFC юлдузларини муддатидан аввал таслим этди. Дивизондаги бу каби етакчиларни мағлуб этган Тони чемпионлик жангига ҳақли.

Эслатиб ўтамиз, Фергюсон 6 октябрь куни Лас-Вегасда ўтказилган UFC229 турнирида Энтони Петтисни муддатидан аввал мағлубиятга учратган эди. Айнан шу оқшомнинг марказий жангида Хабиб Нурмагомедов Конор Макгрегордан устун келганди.