UFC қандай қилиб икки жамоадош — Гусков ва Уокерни жангга қўйди? Богданнинг ўзи жавоб берди

Ярим оғир вазн тоифасида UFC рейтингида 13-ўринни эгаллаб турган 32 ёшли спортчи кейинги жангини 2025 йилнинг 18 январь куни UFC 311 турнири доирасида бразилиялик собиқ жамоадоши Жонни Уокерга қарши ўтказади.

"Ҳозир мен топ-15даги бирортаси билан жанг қила олмайман, чунки ҳаммаси банд ёки жароҳатланган. Яқинда жанг қилганлари ҳам етарлича. Жонни мен билан жанг учун шартномага имзо чекди. Ўз навбатида мен ҳам буни инкор қилмадим. Бу шундай содир бўлди. Умуман олганда, жангдан кейин ўртамиздаги муносабатга совуқчилик тушади, деб ўйламайман. Биз гаплашишда давом этамиз. Бу шунчаки жанг. У мағлубиятли сериясини ёпиши керак, мен рейтингда кўтарилишим керак. Эртами-кечми бу барибир юз берарди. 

У менинг тўйимга келган. Авваллари биз кўп марта мусобақалашганмиз. Биз яқин ва яхши муносабатдамиз. Унинг укаси билан (Уолтер Уокер назарда тутилмоқда) ҳам доим шуғулланамиз. Жисмоний томондан олиб қараганда, бу жанг мен учун унчалик кўп қийинчилик туғдирмайди. Лекин психологик томондан олиб қарасак, унга тайёрланиш қийинроқ", деди Богдан Гусков.