UFC расман Шон Стрикленднинг навбатдаги жангини эълон қилди + ПОСТЕР

Америкалик аралаш яккакураш устаси 2026 йилнинг 21 февраль куни АҚШнинг Хьюстон шаҳрида ўтказиладиган UFC Houston турнирида октагонга чиқади. Унинг рақиби яна бир америкалик жангчи Энтони Эрнандес бўлади. Бу ҳақда UFC промоушени матбуот хизмати ижтимоий тармоқдаги саҳифасида хабар берди. 

Маълумот учун, Шон Стрикленд шу йилнинг февраль ойида Австралиянинг Сидней шаҳри мезбонлик қилган UFC 312 турнирида ҳакамларнинг якдил қарори билан очколар ҳисобига кўра Жанубий Африка Республикаси вакили Дрикус дю Плессига имкониятни бой бериб қўйганди. Эрнандес эса август ойидаги UFC on ESPN 72 турнирида грузиялик Роман Долидзени бўғиш усулида таслим этган эди.