30 ноя 07:28
Янгиликлар

Бокс/ММА

UFC расмий аккаунти Холлоуэй - Оливейра жангини эълон қилди ва бироздан сўнг постни ўчирди + ФОТО

UFC Brazil расмий аккаунти UFC 324 турнири доирасида BMF камари учун кечадиган жангни анонс қилиб юборди.

Унда амалдаги камар соҳиби америкалик Макс Холлоуэй енгил вазн тоифасида собиқ UFC чемпиони бразилиялик Чарльз Оливейра ўртасидаги жанг анонс қилинганди. Бироқ тез орада ушбу пост ўчирилди.

Эслатиб ўтамиз, 12 октябрь куни Рио-де-Жанейрода бўлиб ўтган UFC Fight Night 261 оқшомида Оливейра польшалик Матеуш Гамротга қарши октагонга кўтарилган ва иккинчи раундда рақибини бўғиш усули билан мағлуб этганди. Холлоуэй эса 20 июль куни UFC 318 турнирида ўтказилган жангда ҳамюрти Дастин Порьени беш раунд якунларига кўра ҳакамларнинг якдил қарори билан таслим эта олганди.