UFC турнирларини трансляция қилиш ҳуқуқи 7,7 миллиард долларга сотилди

Маълумотларга кўра, шартнома етти йилга мўлжалланган бўлиб, битим қиймати 7,7 миллиард долларга баҳоланган. Энди Paramount+ стриминг хизматига стандарт обунаси бўлганлар промоушеннинг барча турнирларини томоша қилиш имкониятига эга бўлади. PPV (пуллик эфир) трансляциялари энди бўлмайди.

"Бу тарихий битим — UFC мухлислари ва бизнинг спортчиларимиз учун ажойиб янгилик. Америка тарихида илк бор томошабинлар UFC’нинг барча контентига PPV моделига эҳтиёжсиз кириш имкониятига эга бўлади, бу эса энг яхши жангларни йирик платформада кўришни анча қулай ва фойдали қилади", — деди UFC президенти Дана Уайт.