UFC Уланбековнинг навбатдаги жангини расман тасдиқлади

Жанг 19 июндан 20 июнга ўтар кечаси бўлиб ўтади. Бу ҳақда UFC Russia Instagram расмий саҳифасида хабар берилди.

29 ёшли Уланбеков UFC'даги дебютини 2020 йил октябрда ўтказган. Абу-Даби (БАА) шаҳрида ташкил этилган турнирда у бразилиялик  Бруно Сильвани ҳакамларнинг якдил қарори билан мағлуб этганди. 

Умуман олганда, россиялик спортчи ММАда 14 та жанг ўтказган бўлиб, уларнинг 13 тасида ғалаба қозонган, бир бор мағлубият аламини тотиб кўрган. 37 ёшли Нэмга келсак, у ММА'да 33 та жангда 20 ғалаба, 12 мағлубият ва битта дуранг қайд этган.

Маълумот учун, ҳамюртимиз Зарруҳ Адашев UFC промоушенидаги дебют жангида айнан Тайсон Нэмга қарши октагонга кўтарилган ва UFC on ESPN 10 турнири доирасидаги жангнинг биринчи раундидаёқ нокаут эвазига мағлубиятга учраган эди.