UFC Vegas 14 оқшомининг марказий жанги якунланди + ФОТО

"UFC Apex" стадионида ўтган UFC Vegas 14 (Fight Night 182) оқшомининг марказий жанги енгил вазн тоифасида ўтказилиб, унда икки фахрий жангчилар - бразилиялик 36 ёшли Рафаэль дос Аньос (30-13 MMA, 19-11 UFC) ҳамда америкалик 35 яшар Пол Фелдер (17-6 MMA, 9-6 UFC) ўзаро октагонга тўқнаш келишди. 

Беш раунд тўлиқ давом этган жанг якунида Рафаэль дос Аньос 2:1 (47-48, 50-45, 50-45) ҳисобида ғалаба қозонди. Ҳакамлардан икки нафари бразилияликнинг ғалабасини таъминлаган. Статистикага эътибор қаратсак, Фелдернинг зарбалари кўпроқ – 98 га 92. Лекин тейкдаунлар бўйича Рафаэль катта устунликка эга бўлди ва айнан шу ҳолат унинг ғалабасига замин яратди. 

Эслатиб ўтамиз, аслида Пол Фельдернинг ўрнида доғистонлик жангчи Ислам Махачев октагонга чиқиши керак эди. Аммо жангга 5 кун қолганида унда вирус аниқланганди.