UFC Вегас 46 турнирининг барча 10 та жанги натижалари битта хабарда + ФОТОГАЛЕРЕЯ

UFC on ESPN 32 турнирида жами 10 та жуфтлик жанги ўтказилди. Оқшомнинг марказий жангида ярим енгил вазн (66,22 кг) тоифаси вакиллари Келвин Каттар ва Гига Чикадзе ўзаро октагонга тўқнаш келишди ва беш раундлик тўқнашув якунида Каттар очколар ҳисобига кўра ғалаба қозонди.  

Муҳимлиги жиҳатидан иккинчи жангда оғир вазн тоифаси вакиллари Жейк Коллье (119,98 кг) ва Чейз Шерман (113,4 кг) учрашишди. Ушбу жангда Коллье сабмишн, яъни ортдан бўғиш усули билан муддатидан аввал зафар қучди.   

Асосий карднинг қолган жангларида Брэндон Ройвал Рожерио Бонторинни, аёллар енгил вазн тоифасида чемпионлик учун собиқ даъвогар Кэтлин Чукагян Женнифер Майани, россиялик Вячеслав Боршёв америкалик Дакота Бушни мағлубиятга учратди. 

Прелиум карддан ўрин олган жангларда эса Билл Алжео Йоандерсон Бритодан, Жейми Пикетт Жозеф Холмсдан, Курт Макги Рамиз Брахимайдан, Брайан Келлехер Кевин Крумдан, Ти Жей Браун эса Чарльз Росадан очколар ҳисобига кўра устун келди.