UFC Vegas 89. Дарья Железнякова UFC`даги дебют жангини ўтказди (+Ҳакамлар хужжатидан кўчирма)

UFC Vegas 89 турнирининг прелим кардидан ўрин олган жангларнинг бирида россиялик Дарья Железнякова мексикалик Монтсеррат Рендонга қарши октагонга кўтарилди. Тўлиқ уч раунд давом этган жангда Дарья ҳакамларнинг якдил қарори билан очколар ҳисобига кўра ғалаба қозонди.  

Бу Железнякова учун дунёнинг энг кучли промоушенидаги дебют жанг эди. У бугун ММАдаги 9-ғалабасини тантана қилди. Рендон эса бугун фаолиятидаги илк мағлубиятини қабул қилиб олди. Оқшомнинг марказий жанги аёллар ўртасида минимал вазн тоифасида собиқ UFC чемпиони Роуз Намаюнас ҳамда Аманда Рибас ўртасида бўлиб ўтади. 

UFC Vegas 89 асосий карди:

Аманда Рибас — Роуз Намаюнас;

Карл Уильямс — Жастин Тафа;

Эдмен Шахбазян — Эй Жей Добсон;

Пэйтон Тэлботт — Камерон Саайман;

Билли Куарантилло — Юссеф Залал;

Фернандо Падилья — Луис Пахуэло.