13 мар 15:11
Янгиликлар

Бокс/ММА

UFC яна икки жангчига чиқиш эшикларини кўрсатди

UFC раҳбарияти промоушенда "тозалаш" ишларини давом эттирмоқда.

Бу сафар қониқарсиз натижалари сабаб Шана Добсон ва Жордан Эспиноза билан шартномалар бекор қилинди ва улар билан хайрлашилган. Добсон UFC`даги уч йиллик фаолияти давомида 5 та жанг ўтказиб, 4 тасида мағлубиятга учради. Ягона ғалабасига қозоғистонлик Мария Агапова устидан эришган. У сўнгги бор шу йилнинг февраль ойида октагонга чиқиб, Кейси О'Нейлга имкониятни бой берганди.

Эспиноза эса UFC промоушенида жами 6 та жанг ўтказган. Ҳисобида 2 ғалаба ва 4 мағлубият бор. Сўнгги жангини ўтган ҳафта, 7 март куни UFC 259 турнири доирасида Тим Эллиоттга қарши ўтказиб, рақибига ютқазиб қўйганди.