17 сен 08:47
Янгиликлар

Бокс/ММА

UFC`нинг энг ёш жангчиси Росас иштирокидаги жанг биринчи раундда якунланди

Теглар : UFC Fight Night 227 Рауль Росас

Хабар берганимиздек, айни дақиқаларда АҚШнинг Невада штати Лас-Вегас шаҳрида UFC турнири бўлиб ўтмоқда.

Бироз аввал UFC Fight Night 227 турнирининг асосий кард жанглари бошланди. Унда америкалик 18 ёшли Рауль Росас ватандоши Терренс Митчеллга қарши октагонга кўтарилди. Жанг биринчи раунддаёқ UFC`нинг энг ёш вакили ғалабаси билан якунланди. Росас техник нокаут эвазига ҳамюртини мағлубиятга учратди.

Эслатиб ўтамиз, Рауль бундан аввалги жангида яна бир АҚШ вакили Кристиан Родригесга учинчи раундда ютқазиб қўйганди. Бугун у UFC промоушенидаги учинчи жангини ўтказди. Илк жангида америкалик Жей Перриндан устун келганди. Унинг профессионал ММАдаги рекорди - 8 ғалаба ва 1 мағлубият.

Терренс Митчелл эса бугун бешинчи мағлубиятини қабул қилиб олди. Унинг ҳисобида 11 ғалаба ҳам бор. Бундан аввалги жангида у Кэмерон Саиманга техник нокаут эвазига ютқазиб қўйганди.