Уимблдон. Дунёнинг олтинчи ракеткаси иккита матчболдан чиқиб кетди

Дунёнинг олтинчи ракеткаси Хольгер Руне 1/16 финалда жиддий қаршиликка дуч келди. Даниялик теннисчи ATP рейтингида 34-ўринда бораётган испаниялик Алехандро Давидович Фокинани беш сет натижасига кўра қийинчилик билан мағлубиятга учратди - 6/3, 4/6, 3/6, 6/4, 7/6(8). 

Ғолиб номи тайбекда аниқланди. Руне икки бор матчболдан чиқиб кетиб ғалаба қозонгани эътиборга молик ҳолат. Уч соату 58 дақиқа давом этган баҳсда Руне 19, Давидович Фокина эса 7 та эйс зарбасини амалга оширган. Брейклар иккала теннисчида ҳам 4 тадан бўлди. Теннисчиларнинг ўзаро учрашувларида ҳисоб тенглашди - 1:1.