15 июл 21:59
Янгиликлар

Теннис

Уимблдон. Эркаклар ўртасидаги жуфтлик баҳсларида ғолиблар маълум + ФОТОГАЛЕРЕЯ

Лондонда якуни сари яқинлашаётган "Катта Дубулға" туркумига кирувчи Уимблдон турнирининг эркаклар ўртасидаги жуфтлик баҳсларида ғолиблар аниқланди.

Ҳал қилувчи финал учрашувида нидерландиялик Уэсли Коольхоф ва британиялик Нил Скупски ҳамкорлиги испаниялик Марсель Гранольерс ҳамда аргентиналик Орасио Себальос тандемини икки сетда ҳам бир хил ҳисобда мағлуб этди - 6/4, 6/4.

Етмиш саккиз дақиқа давом этган баҳсда Коольхоф/Скупски жуфтлиги 4, Гранольерс/Себальос ҳамкорлиги эса 6 та эйс зарбасини амалга оширган. "Уимблдон"даги икки ҳафталик муваффақиятли иштирок Коольхоф ва Скупскига бош совриндан ташқари 600 минг фунт стерлингдан пул мукофотини ҳам келтирди.