04 июл 13:38
Янгиликлар

Теннис

Уимблдон. Ига Свёнтекнинг юриши давом этмоқда

Дунёнинг тўртинчи ракеткаси бўлиб турган Ига Свёнтек "Катта Дубулға" туркумига кирувчи Уимблдон турнирининг учинчи давра иштирокчисига айланди.

Польшалик теннис маликаси иккинчи даврада WTA рейтингида 208-поғонада бораётган америкалик Кэти Макнеллини иродали ғалаба эвазига мағлуб этди. - 5/7, 6/2, 6/1. Бу билан Ига теннисчиларнинг ўзаро учрашувлари ҳисобида ҳам олдинга чиқиб олди - 2:1.

Икки соату 26 дақиқа давом этган баҳсда Свёнтек 5 тадан эйс ва брейкни амалга ошириб, 2 та қўшхатога йўл қўйди. Энди Ига учинчи босқичда Даниэль Коллинзга қарши кортга чиқади. Америкалик теннисчи ўз ўрнида иккинчи босқич учрашувида словениялик Вероника Эрьявецдан 6/4, 6/1 ҳисобида устун келди.