06 июл 14:22
Янгиликлар

Футбол

Уимблдон. Ига Свёнтекнинг юриши давом этмоқда

Дунёнинг тўртинчи ракеткаси Ига Свёнтек Уимблдон турнирининг тўртинчи давра иштирокчисига айланди.

Польшалик теннис маликаси 77 дақиқа давом этган учинчи давра баҳсида WTA рейтингида 54-ўринни эгаллаб турган америкалик Даниэль Коллинзни 6/2, 6/3 ҳисобида мағлубиятга учратди. Бу теннисчиларнинг ўзаро ўтказган 10-учрашуви бўлди. Ҳисоб эса Ига фойдасига йириклашди - 8:2.

Иккала теннисчи ҳам 2 тадан эйс зарбасини амалга оширган. Қўшхатолар 3 га 1 кўринишида Коллинз, брейклар эса 4 га 0 ҳолатида Свёнтек фойдасига ҳал бўлди. Энди польшалик теннисчи 1/8 финалда даниялик Клара Таусонга қарши кортга чиқади.