Уиттакерга қарши жангда Костани ким алмаштириши маълум

Роберт 17 апрель куни АҚШнинг Невада штати Лас-Вегас шаҳрида ташкил этиладиган UFC турнирининг марказий жангида бразилиялик Пауло Костага қарши октагонга кўтарилиши лозим эди. Лекин Коста куни кеча чурра (грыжа) сабаб шифохонага ётқизилди. UFC эса бу ҳолатда дарҳол Уиттакерга янги рақиб топиб берди. Энди у Кевин Гастелумга қарши октагонга чиқади.

Ўзи аслида Гастелум - Уиттакер жанги 2019 йилнинг январь ойидаёқ ўтказилиши керак эди. Лекин жанг куни Роберт айнан чурранинг ҳуруж қилиши сабабли шифохонага жойлаштирилган ва табиийки, жанг бекор қилинганди. Шу йилнинг февралида Гастелум кетма-кет учта мағлубиятли сериясига чек қўйиб, Йен Хейнишдан устун келганди. Уиттакер эса аксинча, кетма-кет икки ғалабага эришди – Даррен Тилл ва Жаред Каннонье таслим этилди.