Украинада 2023 йилнинг энг яхши спортчиси аниқланди

Украина миллий олимпия қўмитаси эксперт гуруҳи қарорига кўра, енгил атлетиканинг баландликка сакраш йўналиши вакиласи Ярослава Магучих 2023 йилнинг энг яхши спортчиси деб топилди. Айнан эксперт гуруҳи йил давомида спортчиларнинг халқаро мусобақаларда кўрсатган натижаларидан келиб чиқиб йилнинг энг яхшиларини аниқлайди. 

Аввалроқ, Магучих World Athletics томонидан йилнинг яхши енгил атлетикачиси номинацияси бўйича ҳам номзодлар сафига киритилганди. Ярослава Токио-2020 Олимпиадасининг бронза медали соҳибаси ҳисобланади. Шунингдек, у амалдаги жаҳон чемпиони ҳам. Магучих Венгриянинг Будапешт шаҳрида ўтказилган жаҳон чемпионатида 2,01 метр натижа билан олтин медални қўлга киритганди.