08 июл 10:56
Янгиликлар
Футбол
"Улар Мессининг чиқиб кетишини хоҳлашмаяпти". Миср мураббийи ФИФАни айблади
Миср терма жамоаси бош мураббийи Хоссам Хассан жаҳон чемпионати 1/8 финалида Аргентинадан учралган мағлубиятдан (2:3) сўнг ФИФАни кескин танқид қилди ва турнирнинг бошқа бирорта ўйинини томоша қилмаслигини маълум қилди.
"Жаҳон чемпионати маркетинг индустриясига айланиб бўлгани мутлақо кундай равшан. Улар Мессининг турнирдан чиқиб кетишини хоҳлашмаяпти. Айнан шу сабабли бу учрашувда адолат бўлмади. Месси беҳуда хурсанд бўлмаслиги керак.
Бугундан бошлаб мен жаҳон чемпионатининг бирорта ҳам ўйинини кузатмайман. Бу — бугун биз бошдан кечирган адолатсизликка қарши норозилик белгисидир. Мен ўз футболчиларимни чин qалбдан табриклайман. Улар — миллат қаҳрамонларидир", — дея Хассаннинг сўзларини келтиради Haberler.com.
Ҳавола :
Фикрлар