08 июл 13:20
Янгиликлар
Бокс/ММА
Умар Кремлёв: "ХОҚда бошқа чора қолмаганди"
Халқаро бокс ассоциацияси (IBA) президенти Умар Кремлёв Халқаро Олимпия қўмитаси (ХОҚ)нинг Россия Олимпия қўмитаси аъзолигини вақтинча тиклаш қарорини изоҳлади.
"ХОҚнинг чекловларни олиб ташлаш ва ўз хатоларини тан олишдан бошқа йўли қолмаганди. Янги раҳбарият аввалги бошқарувчиларнинг қарорларини қайта кўриб чиқмоқда ва нотўғри қарорлардан воз кечмоқда. Халқаро федерациялар спортчиларни ҳимоя қилиши керак, шоҳсупада эса сиёсат эмас, спортчилар туриши лозим.
Россиялик спортчилар жаҳон аренасига ўз байроғи, ўз мадҳияси ва ўз мамлакати номидан тўлиқ қайтиши керак.
Спортчи учун байроқ ва мадҳия унинг қалби ва руҳидир. Россия йирик спорт давлати бўлиб келган ва шундай бўлиб қолади. Бизнинг спортчилар мамлакат шарафини ҳимоя қилиш ҳуқуқи билан муносиб тарзда қайтиши керак.
IBA ХОҚ аввалги хатоларидан тўлиқ халос бўлишини кутмоқда", — деди Кремлёв.
Ҳавола :
Манба : sports.ru
Фикрлар