Умар Нурмагамедов қайтишга тайёр

"Менимча, ҳозирнинг ўзидаёқ чемпионлик учун октагонга чиқишга лойиқман, аммо бу жанг яқин орада ўтказилмайди. Шунинг учун, февраль ойининг ўрталарида бошланадиган Рамазонгача жанг қилмоқчиман. UFC январь ва февраль ойларида турнир ўтказади - улардан бирида жанг қилмоқчиман. Бу уч ёки беш раундлик жанг бўлишининг аҳамияти йўқ. Шундан сўнг ҳаммаси қандай бўлишини кўрамиз", - деди россиялик жангчи Қатардаги UFC турнирига кўргазмали вазн ўлчаш маросимидан олдин матбуот ва мухлислар билан суҳбатда.

Аввалроқ, Нурмагомедовнинг менежери Али Абдел-Азиз лига раҳбариятидан ўз мижозининг жангини ташкил этишни сўраганини маълум қилиб, эҳтимолий рақиб сифатида канадалик Эйманн Заҳаби ва бразилиялик Дэйвесон Фигередони тилга олганди.

Маълумот учун, ўтган ойда россиялик аралаш яккакураш устаси Мераб Двалишвилидан учралган чемпионлик мағлубиятидан сўнг, потенциал даъвогарлик жангида америкалик Марио Баутистани ҳакамларнинг якдил қарори билан мағлуб этиб, фаолиятини муваффақиятли йўналишга қайтарганди.