Умар Нурмагомедов 2024 йилнинг сўнгги UFC турнирида октагонга чиқади

У 2024 йил ҳисобидан ўрин олган сўнгги UFC турнирида жанг ўтказадиган бўлди. Умар 14 декабрь куни АҚШнинг Тампа шаҳрида ўтказиладиган UFC on ESPN 63 турнирида дивизион рейтингининг саккизинчи поғонасидан жой олган хитойлик Сонг Ядонгга қарши октагонга кўтарилади. 

Вазиятга яқин манбаларнинг хабар беришича, ушбу жанг катта эҳтимол билан оқшомнинг марказий тўқнашуви бўлади. Мағлубият нималигини билмай келаётган Умар Нурмагомедов шу йилнинг август ойида UFC лигасидаги олтинчи ғалабасини қўлга киритганди. Ўшанда у америкалик Кори Сэндхагенни очколар ҳисобига кўра мағлуб этган эди. 

Аслида россиялик жангчининг кейинги рақиби дивизион чемпиони Мераб Двалишвили бўлиши керак эди. Лекин грузиялик аралаш яккакураш устаси 2025 йилнинг март ойигача октагонга қайтмаслигини айтганидан кейин Нурмагомедов режасини ўзгартиришга мажбур бўлди.

Сонг Ядонг эса сўнгги жангини шу йилнинг март ойида россиялик собиқ чемпион Петр Янга очколар ҳисоби билан ютқазиб қўйганди. Янгача хитойлик спортчи кетма-кет иккита ғалаба қайд этганди. У аввалига Рики Симонни техник нокаутга учратди, кейин эса ҳакамларнинг якдил қарори билан Крис Гутиерресни таслим этди.